洛奇冰室 (已結業)

入座10:45，见到午餐吸引，但11:00先有，咪问下有冇得落咗单先，等下食。佢个伙记”扮男人嘅女人”劲臭串，话梗系唔得啦，咁俾你hold住张单，够钟先叫得。咁我咪于是坐到够钟叫。又系呢个伙记落单啦，劲做作咁睇表，又大声问厨房有饭叫未，俾说话我听。之后落单又唔听真，问完又问，仲要黎到，我叫意粉，佢落咗饭。其实得咪得，唔得咪算啰。唔使咁样要啲客受气挂？食食下，咁啱见到隔离有台客讲英文，又系呢个伙记，好冇礼貌，系咁用中文问个客讲乜，重复几次问人咩话，好似凶人咁，之后仲好自豪咁话自己唔识英文。仲有前面有台客，见到自己碗面有啲脚仔，点知另一个伙记应对时，对唔住都冇讲声，煮过另一碗之后，仲好似讲笑咁，叫个客睇吓，应该唔会咁好彩挂。饮食业最起码嘅礼貌同清洁都做唔到，几好食都冇用啦。