影片
更多
2022-04-26
340 浏览
讲真，呢间啲牛腩真系几好食，每次都有好多旧而且好入味，但好想讲嘅系个啲呀姐嘅态度愈嚟愈差。呢段时间已经静鸡鸡1蚊1蚊咁加都算。仲要加价兼受你地啲呀姐气，真系几好食都唔会再帮衬啰。😡每次买碗面都要窒下人串下人，唔系贪方便同埋间铺收得夜真系唔买。😡第一次买外卖想佢分汤，点知个短发呀姐就话「本身会分架啦，问嚟做乜」呀姐... 知就唔会问啦。唔通专登问嚟比你串咩... 之后见佢比个啲辣椒油得好少咪问佢比多少少，就不断窒头窒势话要加$3。我话比多少少都要，咁堂食点计... 佢话总之外卖就要，心谂你又冇写明，明屈。然后好耐都唔系呢间卖外卖，宁愿食另一间。到左早几日系隔离铺买茶饮时，咪顺便买个面食。入到去得3个员工。个长发呀姐就慢慢包外卖兼吹水，个短发呀姐就执枱中，得煮嘢个呀叔望住我，有礼貌问我食乜。咁我讲完都加句走青就谂住比钱，点知2位呀姐态度超差不断话「叫外卖叫完就行返出去啦，咪企系度」长发呀姐直头揾个身顶我出去咁滞... 我都著著地问系咪唔洗收钱，个短发呀姐先埋嚟收钱。咁整好碗面，我见个呀姐系度搞啲葱我咪讲多次话走青，佢就话「我知我听到你讲左一次就得啦，唔洗专登再讲架，听到架啦」呀姐... 就
第一次买外卖想佢分汤，点知个短发呀姐就话「本身会分架啦，问嚟做乜」呀姐... 知就唔会问啦。唔通专登问嚟比你串咩... 之后见佢比个啲辣椒油得好少咪问佢比多少少，就不断窒头窒势话要加$3。我话比多少少都要，咁堂食点计... 佢话总之外卖就要，心谂你又冇写明，明屈。然后好耐都唔系呢间卖外卖，宁愿食另一间。
到左早几日系隔离铺买茶饮时，咪顺便买个面食。入到去得3个员工。个长发呀姐就慢慢包外卖兼吹水，个短发呀姐就执枱中，得煮嘢个呀叔望住我，有礼貌问我食乜。咁我讲完都加句走青就谂住比钱，点知2位呀姐态度超差不断话「叫外卖叫完就行返出去啦，咪企系度」长发呀姐直头揾个身顶我出去咁滞... 我都著著地问系咪唔洗收钱，个短发呀姐先埋嚟收钱。咁整好碗面，我见个呀姐系度搞啲葱我咪讲多次话走青，佢就话「我知我听到你讲左一次就得啦，唔洗专登再讲架，听到架啦」呀姐... 就系见你系咁搞惊你无啦啦加落去，之后又串我咩🙄。之后佢包好晒，我又唔见佢比放醋嘅兜仔啦，咪话想要醋。😡之后就不断讲「我地唔比醋架，就咁淋上去架咋，要就比钱时出声啦，宜家少人咋，人多唔会理你啰，你地应该早啲讲啦，成日包好先讲.........」然后佢落左好多好多好多醋。我心谂好彩我食，唔系我会叫佢换一碗。
利申：我间中堂食，平时都系屋企人买外卖时帮我买埋。但呢2次外卖经历，我会叫屋企人少啲买或者唔好再帮衬。因为唔想佢地买外卖时都受呢位短发呀姐嘅气。（听闻系老板娘）😡就算几好食唔代表要受人气。 奉劝呢位阿姐一句，唔想咁快执笠就唔该态度好啲啦。
张贴