亨通餃子店 (已結業)

今日同女朋友去到油麻地想食饺子。见到呢间小店谂住帮衬支持下。叫左韭菜煎饺、炸酱面、葱油饼、凉拌土豆丝同一杯豆浆。味道都ok，但卫生一般般，系餐厅入面有飞虫一直黐落d 食物到。去到埋单既时候，老板娘就话加埋$129。但我地自己计过又唔系呢个价（计到$122）。我哋叫佢计清楚，佢就话个炸酱面卖$38。但明明餐厅既banner 写住系$35 （无 起字架！！） 饺子 就$35 起。 我地同老板娘话个价钱唔一样，但佢好坚持佢头先俾我哋食果碗炸酱面唔系Banner个碗炸酱面。What？？ 其实我地一路都系指住个banner 黎order！！！我叫A你俾A，埋单俾我问点解多左钱，你就话我刚刚食个碗 A 同Menu 上嘅A 有少少唔同 收贵你！完全任佢讲 ！我地跟住Banner同餐牌计既价钱如下：煎饺：38+3 （8只 3 蚊系煎嘅附加钱）炸酱面：35葱油饼：12土豆丝：28豆浆：6总共：122就算加埋老板娘讲果差价$3 都计唔到$129㖞。我地都唔系差果几蚊，但埋单坐地起价、乱收人钱，俾人问又死唔认错，诸多推搪，态度之差实在令人气愤。奉劝大家如果真系要去呢度食嘢时要睇清楚价钱，自己加下。