暌記潮州飯店 (已結業)

话说，正值父亲节，爸爸又行动不便，谂住特突搭车出新蒲岗买打冷外卖孝敬下老豆。 我买两样嘢，卤水豆腐拼鱿鱼同猪肠，加碟咸菜鱼，𠮶收银伯收我$145。我得张500蚊纸但有45蚊，咁咪谂住畀545，找400就啱啦～点知阿伯一开始话「我边有咁多100蚊找畀你！？无呀」我心谂：你间嘢咁好生意，边会无散纸呀，咪呃我啦。我唔理佢，照摆低545，就睇佢找唔找到4张100蚊。最后，又系死死地气找番100蚊畀我！讲大话！ 但最嬲既系！唔知系𠮶收银伯伯之后写单特登写漏定点⋯⋯我返到屋企，碟卤水双拼无鱿鱼，得番猪肠！钱照收，但就无畀货！呢间嘢真系恃住自己老字号就挂羊头买狗肉！你老人家守店我都系咁话，做生意做到咁无品。早知帮衬陈仪兴！