筷子記

营业中

休息中

服务态度真系喺香港由细到大食嘅餐厅入面最差嘅。首先服务员叫我入餐厅啦，见到我开始入紧嚟之后就唔理我啦。由于𠮶阵时餐厅几乎坐满，所以我以为佢会为咗餐厅坐多啲人，会要求我去坐特定嘅位置。咁我就问吓佢我可以坐边度。佢就唔耐烦咁覆返我话：「咪坐𠮶度啰，仲可以坐边度啫？」。咁我就坐低。啱啱坐低，佢就喺隔离催我：「写未啊？写完就快啲俾我啦。」等到我写完张纸之后俾返佢佢就系我背面嘅位置连续大声不停问：「汤定捞面？汤定捞面？汤定捞面？」我回答问题之后，佢仲要闹返转头话：「问你你唔睬我。」大佬啊，你都要俾我时间答㗎？你连珠炮咁，我点摄入去？对待大陆游客就柔声细语，唔见你咁？食物方面汤底冇咩味。腩肉好干好硬。其他正常。