醒辰冰室 (東匯坊)

营业中

休息中

晨早谂住黎食个靓靓早餐，从点餐一刻已发现啲侍应态度麻麻，好似机械人咁，叫佢地攞野又好，追单又好，成个过程佢都唔会出声应你，负负气气咁，好似讲多句都嘥气。啲食物又唔掂，碗出前一丁未煮熟，咬落去啲面生㗎硬㗎，同职员讲佢竟然话你下次落单讲明呀吗，喂大姐，你而家系未煮熟㖞，咁我如果叫碟饭使唔使提下你啲饭要煮熟先，跟住杯咖啡又完全冇咖啡味，质素有啲似我自己冲三合一咖啡然后放系个保暖壸好耐再攞番出黎咁。呢间嘢初初开系有惊喜的，无论食物质素或卖相都有新意，而家就真系事事求求其其，你睇张枱就知，咩鬼都冇，调味冇，餐具冇，牙签都冇支，真系唔知佢想点，总之冇下次。补充：我并唔系钟意随便批评人地㗎人，话哂人地都系做生意，冇理由唱衰人地，但对个啲完全冇heart但又想赚你钱㗎舖头，真系忍唔住要写番啲食评。