Color ChaCha

营业中

休息中

带小朋友嚟玩，预咗洗啲钱买小食，点知换嚟一肚气加一碟变坏炒面！买咗烧卖，肠粉，鱼蛋加个豉油皇炒面，。烧卖肠粉呢类就一般蒸到淋晒无咩味道，食嘅都系豉油甜酱嘅味，所以都无咩好讲！问题出响个豉油皇炒面度，个面足足等左二十分钟，系就系热辣辣炒出嚟，一拎嚟已经有阵唔寻常嘅酸味，拎到埋位除口罩真正去闻真啲，再试咗一啖真系酸宿味！谂住低调啲拎返去话佢地知炒面有问题，点知出菜位姐姐劈头第一句就话呢个系佢哋酱汁嘅味道，仲话响我面前食一啖都可以，死口唔认系酸宿味，讲到好似我哋老屈佢咁！讲真而家天气咁热，你个雪柜频繁咁开开闩闩，有嘢变咗都唔出奇！我反映问题你知，都系为件事好，唔好再卖有问题嘅食物出街啫！收银位阿叔一拎碟面一闻，即刻二话不说退返钱俾我！