麥生記冰室

营业中

休息中

放假过黎行山顺便试下网上推荐既港女茶餐厅，黎到唔算好多人，有位可以直入。餐厅唔算大，入面有十张枱，户外仲有三张。留意返宠物唔可以带入去，要坐出面架。港女下午茶应该系三人餐，$156包左三杯饮品，望落去份量都几多。其他单点饮品就有啲贵，好似忌廉沟鲜奶就要$42啦。无事我出返去饮杯珍奶先🤣我地得两支公就无点到港女下午茶，食左个炸鱼薯条下午茶餐同鱼蛋米。味道就正常茶餐厅咁，不过不失啦。鱼蛋米啲料有啲少，得三片薄片，但$40差唔多啦～上饮品果时就有啲失望啦，我地点咗杯热朱古力，上到黎杯朱古力上面浮满晒油。同个侍应讲叫佢换过杯。茶水师传好燥讲朱古力系咁架啦，无换到。然后由另一位阿姨原杯拎返比我地，问佢系咪唔换得佢都唔出声就咁放低就走。隔左阵又有个后生仔行黎话唂咕系咁架。姐系咁，热朱古力或者唂咕都饮过架，浮满油既都系第一次见😅怕佢污糟最后饮到，搭船肚痛就大件事。反正行山有带水。