月見日本料理

营业中

休息中

我哋叫咗两个定食 定食分别有前菜煮食同埋一个甜品 前菜系面豉汤 咸咸地都好够汤味第一个定食系黑豚肉滑蛋定食 ($88) 呢个定食仲配一个沙律 🥗 但因为我唔食生野我就无试 猪扒炸得几香脆 滑蛋半生不熟都好够汁 总括而言都几高分 ：7.5/10第二个定食系银鳕鱼($138)定食，前菜系猪软骨莲藕，酱汁好似有牛蒡做底，味道特别，最值得赞嘅系银鳕鱼烧得好好味，食落去肉质又口感，味道甜甜，下次再嚟会再encore！如果你都钟意食鱼，你一定会钟意呢个定食，平时喺街嘅鳕鱼剩系得烧汁味，冇鱼味而且肉质太稔，佢就唔同，而且仲特别上网搜寻鳕鱼同银雪鱼嘅分别，银雪鱼除咗口感好味之外，价钱亦比一般鳕鱼贵，我哋反覆研究：呢条应该系真嘅银雪鱼，所以咁好味都系有原因嘅。：9/10好少会比到咁高分，但条鱼真系都几高质甜品方面有朱古力味雪糕或者绿茶味雪糕大家都食得几滋味。最后最要赞赏嘅系员工嘅态度，全部员工都冇因为忙而态度差，仲好积极加热水，叫你慢慢食小心辣亲。味道不错加上员工态度一定会再返去帮衬。