嚐囍煲仔小菜

营业中

休息中

一年前已经同屋企人去食过 环境迫 坐得唔太舒服仲要硬板櫈 老人家们坐得有啲辛苦 地下又跣 餐具就真系陈年旧迹咁 嘢食就真系好普通唔系特别好食 正常发挥 不过有啲少份量同埋有啲会好咸 都明出去食饭系会重味 不过佢系真系过份重味😐😐😐咸到系我亲戚食得好浓味嘅都觉得咸 要唔要试就真系大家自己谂啦最顶唔顺都系啲态度 今年朋友话想食 咁我打去book 电话一通咗我话［唔该我想book枱］换嚟嘅系一个啊婶离远个电话讲咗句［打嚟book枱㖞 几多人几时又唔讲点book啊］佢讲完先斯斯然用啲好西嘅态度问我details 首先打电话系可以查询/叫外卖 我话你知我要book枱都系想俾个reference你知我目的系咩 第二唔知佢系想唔想我听到其实 一系你就收线先雕 依家又要俾我听到 咁不如你直接系个电话同我讲 洗乜偷偷摸摸咁啫 最后我都未问完我要问嘅嘢 佢就cut咗我线 服务态度咪就系咁啰 上年去食啲staff全部都当啲客冇到㗎 举手冇人理 睇到扮睇唔到 做嘢又甩漏 你叫佢做嘢俾埋面色你睇 都系个句啦 你哋自己衡量🫥🫥🫥呢个系我个人经历啫