Grove Sandwiches (柯布連道) (已結業)

中午嚟买午餐，谂住外卖汤通粉返公司食。点知点餐时负责收银嘅女店员话冇装通粉嘅外卖兜，要堂食。等嘅同时听到后面嘅人都系嗌汤通粉，但冇留意外卖定堂食。结果嗌号嗌咗我嘅后一个先，即系头先都系嗌汤通粉嘅男士。见𠮶位男士竟然系外卖拎走！我即时问店员点解我地嗌同一个餐，人地有得外卖，我就冇外卖兜要堂食？店员仲要话「人地先过你吖嘛」。我俾张收据佢睇，证明我比头先𠮶位男士前一个号码。店员用好凶嘅语气问「咁你想点吖！」。另一边负责出餐嘅女店员话我个餐已经ok，我问多次点解迟过我点餐嘅人有外卖兜，但我冇外卖兜？系咪见我好恰？𠮶位负责收银嘅女店员仲要补多句「咁而家咪冇外卖兜啰！咁你想点吖」，态度非常差！我表示只系想知点解我冇得外卖，而店员就觉得我搞事。最后由里面备餐嘅女店员提议用装意粉嘅锡纸兜嚟装湿嘅汤通粉，但倒入去时满泻，无论系锡纸兜底部还是胶袋都湿晒，成件事都处理得好差。我知道快餐店无必要过度要求服务质素，但做错嘢唔道歉仲要凶返人转头系想点？呢位收银嘅女店员知唔知自己有咩问题？一个店员足以玩臭间店嘅名誉。永远唔会再帮衬。