大師傅粥品 (TKO Gateway西翼)

营业中

休息中

两个人堂食，叫咗一个艇仔粥，一个鱼片猪红粥，一份油炸鬼。等。。。。等。。。油炸鬼问先上。跟住上艇仔粥，就食完都未见另一碗。问阿姐，佢望下张单，大大声话，哦！我以为你叫艇仔加猪红鱼片，头先好多人太忙，落咗一碗，你食个阵唔觉多咗嘢嘅咩？首先，晚上十点几，多人？咁日头咪系咁落错单？完全无道歉，佢认为地球人都知艇仔粥有咩料，识背嘅，common sense你唔系唔识呀？其次，两个人堂食，一个人食一大碗加料艇仔，我再落多几样，你碗粥咪变咗”过桥粥”? 另一个人就净食油炸鬼，饮水？你觉得合理吗？太忙？烂excuse!见佢逢人都大声夹恶，就叫咗另一个阿叔，重新落多一碗粥，都好快有得食。半个钟之后，舖头真系无人喇，个阿姐先烚熟狗头行埋嚟，话唔好意思，头先真系以为你叫一碗粥，我嚟睇吓你有无需要加多啲嘢食。what? 你听日后日大后日先问呀嘛？食得7788先过嚟问？我估你应该系经理级or 店长，管理一间舖头，想生意兴隆，食物质素固然重要，服务态度都好重要。希望贵公司管理层见到客人意见，并作出改善，谢谢。