八目燒串燒專門店 (已結業)

话说今日去买午市外卖，十一点八行过，见佢开咗门就入去，老细招呼我揾阿姐帮我落单。叫咗两个定食，阿姐话要等耐啲，我话无所谓你慢慢啦，跟住我喺近门口位坐低玩电话等外卖。到十二点零老细有事行开咗，个厨房师傅就开始闹人，一开始佢就同阿姐讲晒粗口咁闹个老细未够钟就放个客入嚟（我望一望门口原来开十二点）汤又未煲好饭又未煮好咁，由于系开放式厨房间舖又唔大，我每一句都听得清楚，阿姐听佢闹自己又闹埋一份。而我一直都无催过佢，其实佢要慢慢整系无问题反正我预咗等。但佢就不断咁闹越闹越大声闹埋我一份，真系唔知得罪佢啲乜。各位，哩条街隔离大把好嘢食，有串烧有日本野有便当有拉面，间间态度都好好，得哩间当客人系狗，我就永世唔会再帮衬。