浩記茶餐廳

营业中

休息中

今朝返工前去呢间餐厅食早餐，平时间唔中会去食下，我叫嘅系麦皮早餐配多士煎蛋，麦皮味道可以，但系唔够热，多士就即叫即做都ok，而冻奶茶就比较涩，老实讲，食物质素唔算太差，之但系唔会好食到我要受你气啰，更何况就算你好好食我都唔应该受你气啦，我今朝食完走去埋单，个收银阿姐或者系老板娘听紧电话，应该系叫外卖，咁我咪等你做完野先啰，我放低张单等佢，佢讲完电话就用啲极恶劣嘅态度同我讲"拎过黎啦", 咁我都算啦，谂住俾钱佢，跟住佢竟然又系用极恶劣嘅语气同我讲"放低啦" ，之后佢找完钱我冇出声就走左。我以后都唔会去呢间垃圾餐厅，全香港唔系只得一间茶记啰，我好心慢慢等呢个阿姐（如果佢系老板娘就真系几巴闭，应该唔休做生意，完全唔尊重啲客），但系竟然仲要俾人喝，虽然几十蚊唔系咩大生意，你唔休做我都唔会去贴钱买难受。