BBQ 7080 (已結業)

是咁的，4月1号已经打左去餐厅订位，订寻晚18:30，问得好清楚系确实食2小时任饮任食，即系可以食到20:30既，价钱系198+10%咁好啦，寻晚18:30去到，职员话依家由2小时任食改为1.5小时任食，但系餐厅从来冇打过黎CONFIRM BOOKING，去到又话改左任食时间，完全冇任何既通知，都算! 都谂住接受，但系因为2个友人未到，赶紧过黎，我地就同职员表示可否迟10分钟入座，以入座时间计1.5小时，但职员竟然话：「你依家入去同迟10分钟入去，都系食到20:00。咁你BOOK枱系18:30丫嘛，咁咪食到20:00走啰。」从来未试过有餐厅限时系由订枱时间计，乜唔系由入座时间计既咩? 同埋我地18:30准时到，都系想等齐人先入座，先计时，以订枱时间计真系闻所未闻，依家食烧肉呀，1.5小时已经好赶，仲要逼我地由订枱时间计，但又完全冇任何通知，系咪咁样呃客呢? 之前睇过呢间餐厅D食评，都有类似情况发生，但人地系话假期前夕所以先改，但系依家系星期三平日夜晚㖞，仲要餐厅未FULL架㖞，仲要职员冇任何通知㖞! 系咪咁样做生意呀? 如果觉得2小时放题会蚀俾D客既话，就唔好系接BOOKING既时候话