影片
更多
2024-10-23
96 浏览
以后唔会再去。今日一行八人兴致勃勃去食烧味饭，事前已经打咗电话，问清楚八个人一齐坐有冇难度，对方话可以，会替我哋安排，叮嘱我哋准时到，因为中午多客人。我哋超级准时到，一分钟都冇迟，点知带位𠮶个乡音阿姑一见到我哋就破口大骂，怨声载道，话我哋令到佢好麻烦，有好多人睺住个位，要为我哋霸住两张大枱令到佢好麻烦，好难做，一直系咁闹，我答佢：「我哋已经准时到。」佢充耳不闻，依然继续闹，仲要我哋凳都未坐低就要落单，我话等一阵，佢猛催，到我哋可以落单，佢就叫停我哋，要我哋听足佢吩咐，佢问一句，我哋先可以讲一句，佢落紧嘅时候，其他人唔可以出声，同埋佢只会落一次单，佢问嘅时候唔及时出声，就唔会落，如果期间有人插嘴，搞到佢落错单，佢唔会负责。请问呢位阿姑有冇接受过九年免费教育？其他人遇到咁样嘅情况，会唔会纵容佢哋咁嘅态度呢？我系见啲同事饿，先唔同佢开拖，其实可以报警、call食环、消防、屋宇署（check佢个阁楼），仲有地政，好多嘢可以同佢检查一下，睇吓边度出咗问题，如果系个脑出问题，仲可以call白车。至于食物质素，只系普通街坊级数，所谓「驰名」烧鹅脾位肥、胸肉柴，濑粉汤淡如无味，如白开水，只有叉烧中规中
今日一行八人兴致勃勃去食烧味饭，事前已经打咗电话，问清楚八个人一齐坐有冇难度，对方话可以，会替我哋安排，叮嘱我哋准时到，因为中午多客人。
我哋超级准时到，一分钟都冇迟，点知带位𠮶个乡音阿姑一见到我哋就破口大骂，怨声载道，话我哋令到佢好麻烦，有好多人睺住个位，要为我哋霸住两张大枱令到佢好麻烦，好难做，一直系咁闹，我答佢：「我哋已经准时到。」佢充耳不闻，依然继续闹，仲要我哋凳都未坐低就要落单，我话等一阵，佢猛催，到我哋可以落单，佢就叫停我哋，要我哋听足佢吩咐，佢问一句，我哋先可以讲一句，佢落紧嘅时候，其他人唔可以出声，同埋佢只会落一次单，佢问嘅时候唔及时出声，就唔会落，如果期间有人插嘴，搞到佢落错单，佢唔会负责。
请问呢位阿姑有冇接受过九年免费教育？
其他人遇到咁样嘅情况，会唔会纵容佢哋咁嘅态度呢？我系见啲同事饿，先唔同佢开拖，其实可以报警、call食环、消防、屋宇署（check佢个阁楼），仲有地政，好多嘢可以同佢检查一下，睇吓边度出咗问题，如果系个脑出问题，仲可以call白车。
至于食物质素，只系普通街坊级数，所谓「驰名」烧鹅脾位肥、胸肉柴，濑粉汤淡如无味，如白开水，只有叉烧中规中矩，正常发挥，唔明白佢边得嚟咁不可一世目中无人嘅傲慢态度。
张贴