影片
更多
2024-02-12
132 浏览
平时极少写食评，今次真系不吐不快。大年初一同屋企人一齐食斋，一行七人连埋一个三岁小朋友订咗7:30枱。7:30准时到，话有枱卖紧单。明白嘅年初一实多人食斋啦！好快见到有两张吉枱，但系成10分钟都冇人执，于是就轻轻咁问柜台阿姐，可唔可以睇吓几时入得，因为小朋友都肚饿。个阿姐答我「小朋友肚饿咪买个包俾佢食啰。」全句原文一字不漏。我完全唔识俾反应，当堂想掉头走。但系年初一去边度揾另一间食斋嘅呢？又唔想老人家再频频扑扑。相信佢哋都系好清楚呢一点，所以态度先咁恶劣再等多一阵依然都系冇人有执枱，7:45-50我就问再问柜台几时可以入得，佢话你系咪要门口𠮶张坐得逼夹啲。另外一张就得㗎喇你等唔等？到佢终于执完嘢𠮶「另一张枱」，其实系同之前𠮶张一样嘅，都系四人卡位，加一张二人枱系三面加三张凳，其中一张坐走廊。我已经冇嘢好讲，净系想快啲食完走。食物水平唔评价，咁嘅心情意见有机会有偏颇。到埋单，无啦啦张单度多左一个完全冇叫过亦都冇上过嘅𩠌，同收银讲，佢去完确认之后将张"改咗"嘅单就咁掉喺柜台。唔奢望一句唔好意思，仲好似我要道歉麻烦到佢咁。而张单仍然都系错。如是者又扰攘多5分钟。临走时候见到餐厅外边写住「年初
大年初一同屋企人一齐食斋，一行七人连埋一个三岁小朋友订咗7:30枱。
7:30准时到，话有枱卖紧单。明白嘅年初一实多人食斋啦！
好快见到有两张吉枱，但系成10分钟都冇人执，于是就轻轻咁问柜台阿姐，可唔可以睇吓几时入得，因为小朋友都肚饿。
个阿姐答我「小朋友肚饿咪买个包俾佢食啰。」全句原文一字不漏。
我完全唔识俾反应，当堂想掉头走。但系年初一去边度揾另一间食斋嘅呢？又唔想老人家再频频扑扑。相信佢哋都系好清楚呢一点，所以态度先咁恶劣
再等多一阵依然都系冇人有执枱，7:45-50我就问再问柜台几时可以入得，佢话你系咪要门口𠮶张坐得逼夹啲。另外一张就得㗎喇你等唔等？
到佢终于执完嘢𠮶「另一张枱」，其实系同之前𠮶张一样嘅，都系四人卡位，加一张二人枱系三面加三张凳，其中一张坐走廊。
我已经冇嘢好讲，净系想快啲食完走。
食物水平唔评价，咁嘅心情意见有机会有偏颇。
到埋单，无啦啦张单度多左一个完全冇叫过亦都冇上过嘅𩠌，同收银讲，佢去完确认之后将张"改咗"嘅单就咁掉喺柜台。
唔奢望一句唔好意思，仲好似我要道歉麻烦到佢咁。而张单仍然都系错。如是者又扰攘多5分钟。
临走时候见到餐厅外边写住「年初一堂食加二作员工福利」。明白嘅初一边个唔想同屋企人团聚？佢哋要开工要俾加二我完全冇问题。
但系如果加埋二都系咁嘅服务态度，我只可以话祝君好运，我哋就一定冇下次。
张贴