影片
更多
2023-01-27
1741 浏览
早几日打电话book定位，今日同屋企人晏昼饮茶。门口带位呀姐一路行一路话，今日冇点心呀，食小菜。听到当然好愕然，晏昼冇点心食？一路行去个位见到枱枱都有点心㖞，跟住呀姐就话叫咗小菜就可以叫点心。坐低见冇点心纸问侍应拎，佢就好紧张话要叫咗小菜先，唔肯俾点心纸住。正常人都会睇晒成个菜单先叫嘢食啦，成个感觉已经好差。问佢要叫几多个小菜，第一位侍应姐姐都好人，细细声讲话最少一个啦。点菜，第二位侍应嚟写，话要叫两个小菜。讲一大轮公司新年policy，谷鬼气，新年流流，算数。再点菜，第三位侍应嚟，话两个小菜唔得㖞，你哋6个人，要叫三四个小菜。我哋话唔系㖞头先你哋话两个小菜得喇㖞，然后佢就话咁有人话得就得啦。以为叫菜完结，点知第四位侍应嚟，话一定要叫4个小菜！今次真系火都嚟，明屈，book枱冇讲，带位冇讲清楚，落单个个讲嘅都唔一样。咁我哋问3个𩠌得唔得呀？咁两个人要叫一个𩠌，6个人3𩠌合理丫？唔系架，一定要叫4𩠌，冇解释架，随心所欲，仲我地讲你哋book咗枱嘛，唔book都冇得入嚟食啦。态度极之恶劣。唔写清楚就讲清楚，个个讲嘅都唔一样，坐低开咗茶即系局住要叫。新年同屋企人食饭真系唔想同佢嘈，食到一肚火
坐低见冇点心纸问侍应拎，佢就好紧张话要叫咗小菜先，唔肯俾点心纸住。正常人都会睇晒成个菜单先叫嘢食啦，成个感觉已经好差。
问佢要叫几多个小菜，第一位侍应姐姐都好人，细细声讲话最少一个啦。
点菜，第二位侍应嚟写，话要叫两个小菜。讲一大轮公司新年policy，谷鬼气，新年流流，算数。
再点菜，第三位侍应嚟，话两个小菜唔得㖞，你哋6个人，要叫三四个小菜。我哋话唔系㖞头先你哋话两个小菜得喇㖞，然后佢就话咁有人话得就得啦。
以为叫菜完结，点知第四位侍应嚟，话一定要叫4个小菜！今次真系火都嚟，明屈，book枱冇讲，带位冇讲清楚，落单个个讲嘅都唔一样。咁我哋问3个𩠌得唔得呀？咁两个人要叫一个𩠌，6个人3𩠌合理丫？唔系架，一定要叫4𩠌，冇解释架，随心所欲，仲我地讲你哋book咗枱嘛，唔book都冇得入嚟食啦。态度极之恶劣。
唔写清楚就讲清楚，个个讲嘅都唔一样，坐低开咗茶即系局住要叫。新年同屋企人食饭真系唔想同佢嘈，食到一肚火。只怪自己坐低前冇问清楚”公司policy”。而家多返啲人饮茶就大声夹恶，我就不会再嚟，希望大家唔会有咁差嘅体验。
食物方面点心质素平平，虾饺烧卖正常，小菜就真系唔好食。小菜唔系海蜤云耳𠮶啲，系一碟碟炒𩠌，叫咗桂花炒瑶柱，冇桂花味亦见唔到瑶柱，只系一大碟芽茶炒粉丝，只系得油味，同半生嘅芽菜味。
14 浏览
0 赞好
0 留言
18 浏览
0 赞好
0 留言
张贴
