影片
更多
2021-09-23
2562 浏览
超级差嘅酒楼，今晚去咗合和荟轩食饭，首先门口𠮶位长挛发女人，明明见到有人等位，都要叫咪入面响人出嚟先问你几位，叫出嚟𠮶个肥女人一直攞住个手提倾，都唔知系咪带位☹跟住见到只杯周围都系奶黄色嘅物体，叫咗个极品女人问佢有冇其他可以换，佢仲要悔气咁话放低啦😡之后叫咗只片皮鸭两食同菜煲，只鸭好快，唔够15分钟就到，不过个师父切得好差，话明片皮鸭梗系食个皮，佢就切埋3cm嘅肉，都冇所谓，反正都唔好食，最嬲嘅系之后等咗45分钟都未上菜，就问番之前𠮶个极品女人，问完佢又唔出声，之后走咗，见佢有去睇吓部机，以为佢转头覆，点知佢走去同啲伙记吹水，真系佛都有火， 仲要炒完个𩠌出嚟都唔知去整咗啲乜嘢 ，睇见都冇胃口，同两年前嘅荟轩根本两回事，如果冇心搞酒楼不如执咗佢啦！以后都唔会帮衬
张贴