影片
更多
2019-07-28
242 浏览
第一次去帮衬时系几年前朋友介绍，说其奶茶、菠萝油出名要带我一试，当时朋友仲讲我知咩叫「茶走」。当时餐厅门外大排长龙，排到里面仍要企一阵。当时也觉得员工「串」，但不至于对客人无礼。那次之后我一个人也吃过一次，仍然门外大排长龙，串有佢的理由。直到上星期日（21/7/2019）带两个来香港旅游的朋友去太子食早餐，行经门口见门口竟然冇人排队，于是走入去，唉。。。一行咗入去之后我已经可以完全BLACKLIST 呢间店！我明白点解几年间佢地再冇人排队（同隔一条街另一间的人龙相比，少人也有佢的理由），而呢一次登门拜访的经验可以讲，呢间餐厅完全影响香港服务行业形象的餐厅。出了名的本地餐厅员工态度恶劣我已经预左，但冇谂过系由入门口已经被人（操不纯正广东话的大妈）闹！冇错，系闹！从未试过食个早餐会比人闹架！呢个咩世界？！由入门口开始，门口负责夹面包𠮶个操不纯正广东话大妈已经好唔客气问我和朋友5人：「做咩走入去？阻住佢地个门囗？！」😱大佬，你门口冇人龙排队咁我当然走入去店内，企在门口揾人招呼我啦！我见佢咁问，就望下入边见有吉位，又有吉枱，咁我五个人就行入D。其实，行入去都冇人理/招呼你，只见D大妈扮到好忙咁
那次之后我一个人也吃过一次，仍然门外大排长龙，串有佢的理由。
直到上星期日（21/7/2019）带两个来香港旅游的朋友去太子食早餐，行经门口见门口竟然冇人排队，于是走入去，唉。。。一行咗入去之后我已经可以完全BLACKLIST 呢间店！我明白点解几年间佢地再冇人排队（同隔一条街另一间的人龙相比，少人也有佢的理由），而呢一次登门拜访的经验可以讲，呢间餐厅完全影响香港服务行业形象的餐厅。出了名的本地餐厅员工态度恶劣我已经预左，但冇谂过系由入门口已经被人（操不纯正广东话的大妈）闹！
冇错，系闹！从未试过食个早餐会比人闹架！呢个咩世界？！
由入门口开始，门口负责夹面包𠮶个操不纯正广东话大妈已经好唔客气问我和朋友5人：「做咩走入去？阻住佢地个门囗？！」😱大佬，你门口冇人龙排队咁我当然走入去店内，企在门口揾人招呼我啦！
我见佢咁问，就望下入边见有吉位，又有吉枱，咁我五个人就行入D。其实，行入去都冇人理/招呼你，只见D大妈扮到好忙咁睇你唔到！我就再行入D自己揾位坐，当我哋想坐下时，一个大妈好紧张咁问：「你哋几多个人？唔好入来阻住我哋！企返出去！」
我有冇听错？冇人招呼你仲话你阻住佢？有位，但叫你出去！盲嘅都见到成间餐厅只有我们5个人企喺度等紧你安排座位！但仲话你阻住佢！
我和另一朋友立即忍唔住，问佢「你做咩咁冇礼貌闹人架？我地见门口冇人排队，唔行入来行去边呀？行入来企等位又比你闹阻住你？咁可以企去边行去边呀？」
跟著另一个大妈好劳气咁问：「咁你地几多个人呀？」「5个」然后大妈指住最入边近厕所门口一张4人枱说：「你地人多，加多张櫈在走廊，唔好阻住人！」哗，又讲多次「我地阻住你」呢一下我地立即全部人扯🔥！一行人立即离开停止再受气比呢D大妈闹！
大妈咁做生意，你哋客人多做到躁底都唔好捉我地D香港小市民、外地游客来出气啦！一间餐厅食物再好，但员工态度恶劣令食客食都食得唔开心，系自己同自己公司倒米！也明白，这间知名茶餐厅现今门口冇人排队，一定有原因！
香港的服务行业就系咁比你地影衰晒！（宜家谂返都仲嬲嬲地，替其他同行不值！
张贴