影片
更多
2006-12-26
42 浏览
今早趁着红假与家人一起饮茶，怎知饮到一肚气！首先，老妈子开了四位茶后，发现是风口位，便想转枱，𠮶伙记就话唔转得，好烦！咁老妈子唔吹得风，所以自己再找枱来转啦！然后，就开始叫点心。点之，我哋举咗点菜纸好耐，𠮶副部长见到都冇回应，系，事实上佢帮紧另一张枱落单，但附近又冇其他伙记，咁佢仲要系副部长，照道理应该知要向我哋示意，等我哋知要等吓啦，佢不但冇咁做，仲要避开我哋d眼神。咁我哋都算啦，亲自把点菜纸拿到佢面前，点知拎到去，佢又叫我舅父︰「你坐返埋去！」咁我舅父俾佢咁讲，当堂脸目无光。转头𠮶部长走过来，看看张纸就同我哋讲︰「张纸(o麦)都冇填，点收呀！」其实只系冇写枱号，咁我就话这些是佢填，叫佢讲野态度唔好咁，咁佢话我点呀，我净系话(o麦)都冇填ja。系又一单无礼貌的事件。再来，到点心来到了，来了一样我无叫的点心，我就话我哋无叫㖞。点知𠮶个副部长拿住我哋叫𠮶张点心纸走过来，指住咁话，拿，你哋画咗架，二话不说就放下点心，连续讲咗三次，系连续讲，你哋画咗架，好似来到证据捉犯咁。咁我就话你好高兴㖞。服务态度好的话，应该系问吓我哋叫错咗，咁啱唔啱食，咁问先啱。佢不但无咁做，仲好大声系我附近讲是非，同
首先，老妈子开了四位茶后，发现是风口位，便想转枱，𠮶伙记就话唔转得，好烦！咁老妈子唔吹得风，所以自己再找枱来转啦！然后，就开始叫点心。
点之，我哋举咗点菜纸好耐，𠮶副部长见到都冇回应，系，事实上佢帮紧另一张枱落单，但附近又冇其他伙记，咁佢仲要系副部长，照道理应该知要向我哋示意，等我哋知要等吓啦，佢不但冇咁做，仲要避开我哋d眼神。
咁我哋都算啦，亲自把点菜纸拿到佢面前，点知拎到去，佢又叫我舅父︰「你坐返埋去！」咁我舅父俾佢咁讲，当堂脸目无光。转头𠮶部长走过来，看看张纸就同我哋讲︰「张纸(o麦)都冇填，点收呀！」其实只系冇写枱号，咁我就话这些是佢填，叫佢讲野态度唔好咁，咁佢话我点呀，我净系话(o麦)都冇填ja。系又一单无礼貌的事件。
再来，到点心来到了，来了一样我无叫的点心，我就话我哋无叫㖞。点知𠮶个副部长拿住我哋叫𠮶张点心纸走过来，指住咁话，拿，你哋画咗架，二话不说就放下点心，连续讲咗三次，系连续讲，你哋画咗架，好似来到证据捉犯咁。
咁我就话你好高兴㖞。服务态度好的话，应该系问吓我哋叫错咗，咁啱唔啱食，咁问先啱。佢不但无咁做，仲好大声系我附近讲是非，同佢d伙记指住我哋讲，话我话佢好高兴㖞！系我系有讲，但佢唔应该系客人面前讲是非。
我就上前同佢讲，第一，我老妈子要转枱，你哋话唔可以，第一个唔啱。咁佢就话佢唔知，无人同佢讲。咁我话佢作为副部长，佢的下属有咁的问题，佢要知，佢要教！
第二，我舅父把点菜纸交给佢时，佢的态度差。咁佢话佢态度唔差㖞。咁我重覆佢句说话，佢话佢无咁讲，有咁讲就天诸地灭。咁佢确实有讲过，咁我就话佢要小心啦。点知佢大大声同我讲，你都要小心过马路，睇车㖞！哈，顾客至上？废话。咁我话要见部长，佢话唔好，见经理啦，我唔怕。哈。
𠮶经理都未听我讲件事，就话一人少一句，哈。咁我同𠮶经理讲佢下属叫我过马路小心d，𠮶副部长就话你都收我小心d啦，哈。其他茶客就当睇戏咁睇啦。𠮶经理竟然话佢下属无错晒，哗，我当堂想笑。
我话佢系新一年将至叫我过马路小心d㖞，佢话你想点呀！摆明我耐佢哋唔(河)。佢接住话咁我抄咗佢。哈，咁讲摆明随口讲。但我却自然反应同个经理讲，新年就唔好抄人，人哋都要养家。
而家我唯有系依到同大家讲佢哋新年收派利的时候，就笑笑口。其他时候，有眼睇。餐茶仲要饮咗168元。
张贴