米珈琲

营业中

休息中

唔好以为苹果帮你卖广告就可以帮你hard sell！欣赏咖啡系一个体验，环境舒适同埋服务质素并存，如果系一个随时会俾人闹，老板郁啲就发脾气，乜嘢都俾人规限，乜都唔做得，净系可以企喺度企呆等嘅情况下，点样欣赏杯咖啡？依家店主系咪要当个个都系小学生，系学校范围内要熄电话？先唔好讲杯咖啡好唔好饮啦，我相信同一个价钱一定有啲性价比更高，质素更好嘅咖啡，至少其他人会真心想比一个好嘅体验客人，而唔系当个个客人都系佢敌人，一有少少唔啱佢心水就闹人，你系边个，有咩资格限制客人可以做啲咩？呢啲人诸多原则系佢自己嘅事，客人帮衬佢仲要贴钱买难受，难怪冇人帮衬，正常人都唔会帮衬佢，唔系因为佢咖啡嘅质素，而系老板态度恶劣！我相信大部份人都觉得饮咖啡系一个自我放松嘅时间，意思系你可以一路做自己钟意嘅嘢，一路饮咖啡。呢间舖头直头侮辱咗杯咖啡，口口声声要人哋尊重你先，其实你咁样摆张告示喺门口，已经好唔尊重人，佢咁样系侮辱紧所有同佢对欣赏咖啡有唔同意见嘅人。𠮶啲系你嘅客人，使唔使吓吓教仔咁，其实个老板都冇谂过尊重人，佢净系要求人尊重佢！咁多规矩只会弄巧反拙，最后大家对呢间舖头嘅印象只会系「有好多规矩，服务差」嘅咖啡店，