祥興咖啡室

营业中

休息中

咁啱系跑马地附近揾野食，见到佢地餐厅门面唔错，怀旧风格而且应该有唔少名人帮衬过（墙身好多签名），所以就入左去试下。先唔讲佢地食物质素点样，服务态度真系差到核爆。带眼镜果位侍应一直用不耐烦嘅语气回答你问题＆帮你落单，餐牌有大部份野都唔知几时有得叫（有d写某段后供应但系叫果阵先知道无），坐到食完都唔会主动比杯水你，一来一回令你咩mood都无晒。当你比佢地见到你d食物就食完，佢地就会不停埋黎想收走你d野，十足十赶客咁，仲要讲d客闲话（好心就等人走左或者细声d讲啦）。总结一下，价钱可接受但食物质素同屋企自己整差唔多，同较美观嘅餐厅环境形成巨大落差。重点系服务态度令到用餐体验极差。