Fragile Coffee House

营业中

休息中

做完gym经过想入去买杯咖啡，店员态度极度恶劣臭串，唔知仲以为我去乞。入门口嘅时候已经有一个客人喺度。店员见到有人排队，亦都冇快啲收钱，继续喺度同𠮶个客施施然倾偈。今日放假，我哋唔赶时间所以唔介意等一阵。排到我嘅时候，店员黑住面问我要咩豆，我问佢有咩豆，佢指左下墙上面嘅Menu，示意我自己睇。墙上面嘅Menu又远啲字又细(font 5?), 我做完gym冇戴眼镜睇唔到。同店员讲我冇戴眼镜，佢直接一句得过嚟，”咁我帮你唔到”。我唔明简单介绍吓咖啡豆有咩选择有几难。咖啡好唔好饮？我唔知，不过我知上环好多好好嘅选择。既然使钱就唔应该要受气，唔知仲以为我争佢1000几百万。咖啡好饮冲得好饮嘅人起码要钟意咖啡。如果你钟意咖啡，尤其是开咖啡店，应该系唔会介意同人分享咖啡心得，但系店员好似根本唔忧做。心情好入到去呢间舖头，店员嘅恶劣态度都会令你心情立即变差，好耐冇遇过一啲咁冇礼貌咁唔识尊重人嘅人，系咪以为自己嘅咖啡系镶金嘅？呢间嘢一定唔会再去。