薈聚軒

营业中

休息中

预约8点半晚饭帮家人庆祝生日，片皮鸭、蛏子、乳鸽等等多款𩠌菜已售罄，9点开始职员已经赶收工，有啲更加换完衫冲住走，我地都唔已经唔敢慢慢食，大家食到赶头赶命，9点20分左右已经叫职员帮手执枱上埋蛋糕，收$100切饼费连叫个职员帮我哋点个蜡烛，一名紫色恤衫疑似经理嘅男子串到：「我冇火机㖞，你问啲有食烟嘅人」转身走咗，然后一路执嘢一路嗌熄灯锁门等等嘅说话，最后要揾第二个着制服嘅职员，先可以点到爉烛。又系赶头赶面食完个蛋糕就离开。见写营业时间去到10点，如果餐厅 9:30就已经要清晒场嘅，就唔应该俾人预约8:30食饭，一餐饭食到赶头赶命，要受咁嘅对待，一收左钱果下就已经唔配坐喺度嘅感觉，感觉十分恶劣。