影片
更多
2024-01-10
261 浏览
人生去过态度最差嘅餐厅 没有之一‼️入到餐厅啱啱坐低 个店员已经劲唔welcome咁话 「提提你啦 嚟度人头$70 限时90分钟 谢！绝！开电脑」真系得你呢间餐厅咁威会讲到明系「谢绝」开电脑 ok你系老板 你喜啦😀之后落order嘅时候 本身我哋谂住落咗主食先啦 之后先落甜品啦 然后个侍应就话 「要人头$70㖞 你哋知㗎何？」 驶唔驶啊 边有一间餐厅咁样无间断地提住最低消费 隔咗唔够5分钟 另一个店员就走过嚟话 「我哋呢度系人头$70 唔系人均$70㖞 即系你唔可以一个人嗌两杯嘢饮」 ??? 对唔住 我见识浅薄 真系第一次见一间餐厅set最低消费可以做到咁样衰 净系一路话我哋4个人 嗌2个主食 一定要加一杯正价嘢饮 唔可以跟餐 咁你可唔可以讲吓人头同人均嘅分别？ 我唔知系佢间舖得两台客所以佢系咁bea住我哋啦 定系佢针对 但佢系全程 无错系全程都bea住我哋𠮶台 再喺我坐低嘅第85分钟准时比张单我哋 成个customer experience差到贴地去到嘢食啦嗌咗个burger啦 唔热唔冻咁 之后嗌咗两个佢间餐厅最出名？嘅甜品 咪就系无馅+面包皮厚少少嘅泡芙+ 一啲冻嘅cream喺面
入到餐厅啱啱坐低 个店员已经劲唔welcome咁话 「提提你啦 嚟度人头$70 限时90分钟 谢！绝！开电脑」真系得你呢间餐厅咁威会讲到明系「谢绝」开电脑 ok你系老板 你喜啦😀
之后落order嘅时候 本身我哋谂住落咗主食先啦 之后先落甜品啦 然后个侍应就话 「要人头$70㖞 你哋知㗎何？」 驶唔驶啊 边有一间餐厅咁样无间断地提住最低消费
隔咗唔够5分钟 另一个店员就走过嚟话 「我哋呢度系人头$70 唔系人均$70㖞 即系你唔可以一个人嗌两杯嘢饮」 ??? 对唔住 我见识浅薄 真系第一次见一间餐厅set最低消费可以做到咁样衰 净系一路话我哋4个人 嗌2个主食 一定要加一杯正价嘢饮 唔可以跟餐 咁你可唔可以讲吓人头同人均嘅分别？
我唔知系佢间舖得两台客所以佢系咁bea住我哋啦 定系佢针对 但佢系全程 无错系全程都bea住我哋𠮶台 再喺我坐低嘅第85分钟准时比张单我哋 成个customer experience差到贴地
去到嘢食啦
嗌咗个burger啦 唔热唔冻咁 之后嗌咗两个佢间餐厅最出名？嘅甜品 咪就系无馅+面包皮厚少少嘅泡芙+ 一啲冻嘅cream喺面 老板其实你呢间餐厅啲嘢食系热食定冻食㗎
另外嗌咗个温泉蛋明太子乌冬
umm 个乌冬个面质系ok嘅 但系得蛋味同cream味 明太子呢？ 呢个份量$92😅
呢间嘢食物又麻麻地 仲要态度咁差 真系比钱买难受😀
张贴
