檀島咖啡餅店 (已結業)

今日大概中午12:30自己一个去食野。一入到去我坐左系贴墙长枱既4人卡位。系我睇紧餐牌果阵，戴黑色粗框眼镜中间分界既女侍应带左两个外国人入黎，果两个外国人未坐低个女侍应就叫我起身换枱。当时餐厅只有三分一满坐，而且我睇唔到有任何合理理由要我换枱，因为事实上我系比果两个外国人早入黎餐厅。之后我好迷茫甘望住佢，佢就话：你望住我做咩？快d坐去另一度。我当时无理佢，佢就话：你唔转位我系唔会同你落单。我继续坐系度，叫另一个侍应落单，佢做左个手势示意个侍应唔好理我，个待应同我讲，你坐多一阵再落单啦。之后个女侍应走埋黎同我讲话：我系唔会同你落单架，你咪继续坐系度啰。之后心裹觉得有d惊又委屈加上今日病又心情差，忍唔住喊左出黎，因为我唔想同佢嘈。之后过左一阵，因为我真系要肚饿所以走左去第二间食。写呢篇食评之前睇到呢度都有两三个人投诉呢个女侍应，而且情节亦非常相似。我怀疑呢个女侍应系有d问题。而且都有其他食评投诉其他侍应，所以间野班侍应该都系怪怪地。希望大家黎呢间餐厅食野尽量两个人去，唔好独自去，费事唔小心惹到侍应，受无谓既气。