壽喜燒·肉屋

营业中

休息中

上次上嚟食嘢晏昼三点几都话要book位，排咗10分钟队服务员都冇同我哋讲话要book位嘅去到4:00行出嚟先同我哋讲，而且服务态度劲差。今次特登book咗食圣诞dinner，到咗之后冇人喺柜台接应，问服务员点样入座又态度劲差，劲冇礼貌咁样答。入到去之后，坐咗喺度5分钟都冇人帮手，跟住啲嘢食终于送到嚟啦，等咗5分钟先有人开始嚟介绍同埋煮嘢食。嘢食质素认真一般般，尤其系甜品，系喺阿信屋平时买到𠮶啲蛋糕仔嚟。不过最大问题都系服务员嘅态度，完全唔配得起高级日本餐厅expect嘅质素，连基本煮寿喜烧嘅技术同埋知识都冇。老板，如果你睇紧，好心你用多三四千蚊请啲真系识做日本料理嘅员工，唔好请啲MK妹。再者，员工质素差之外，仲系严重唔够人，每次斟茶都系要客人自己要求，我未试过去「靓」既日本餐厅系会成餐饭冇人斟茶。你咁样做，啲客人只系会嚟一次，唔会再有下次。忠告：呢间餐厅OpenRice虽然好多好评，最好睇返啲标题同内容冇乜emoji嘅食评，就最诚实。