雲桂香米線專門店

营业中

休息中

我放lunch打算自己去试下呢间嘢。当时里面唔算多人，仲有好多位。入到去无人理我，所以我就自己揾位坐，坐咗张四人枱。然后有两个客人坐单对单既座位食完走。其中一个女服务员叫我坐去单对单既座位。咁好啦，我就坐，本身以为系有其他客人需要坐，但原来无人入嚟。咁算啦，正当我睇个menu，有个男既入咗嚟，然后果位女服务员叫佢坐我对面。但明明咁多位，当时又唔系特别多人，点解要逼客人搭枱？然后个男好无奈坐咗我对面。最大问题系，个单对单座位好宅，张枱仲好细，食嘢既时候一定好唔舒服！太逼啦！如果系张四人枱同果个男既搭枱还可以，起码松动d，张枱又大D。但点讲都好，无特别理由都唔应该指点客人去边张枱！然后我问另一个服务员：「无其他位啦？」佢话无啦，要搭枱。我真系火都嚟！仲问要唔要同隔离张四人枱两个客人搭枱⋯⋯之后果个女服务员仲要态度极差大大声讲：「宜家繁忙时间要搭枱！」繁忙时间？一个人都无入嚟啵？！仲要好多其他位！我见到佢个样系好唔爽，好似系我错咁，仲要怒视我！所以我就话：「咁我唔食啦！」然后我就充满怒火冲咗出去。