影片
更多
2021-10-09
190 浏览
见佢新开，就谂住去试吓结果企左系门口好耐，示晒意话想入去食都冇人理，冇人招呼。如是者等咗成10分钟，咁佢终于出嚟问我几多位但佢哋带位系好乱，有冇Walkie Talkie，一美喺度嗌，又唔知边啲枱用得，边啲枱唔用得，乱！管理极其混乱。佢系用QR code扫描落单嘅，但系楼面竟然有成四个人，叫咗一个鳗鱼便当午餐，散叫咗一个三文鱼饭，就好似上一位食评咁样，等咗起码20分钟，两份都系鱼生饭，点解要等咁耐？成间餐厅又唔系大。啲餐具唔知系咪夜冷舖执返嚟，只只都唔一样咁终于等到上餐，啲便当同埋个鱼生饭啲饭都系无醋嘅，同你屋企用电饭煲煮嘅一样。啲三文鱼一睇就知𩠌头𩠌尾，切到成个三角锥体咁。另外，便当啲鳗鱼干争争，啲炸鸡系鞋过阿婆块面！啲嘢食一啲都唔好食，仲衰过明将。最火起嘅系，有个光头男人态度极差，讲嘢串串贡，呼呼喝喝，仲会赶你走！因为出边有人等紧！佢系开到声叫我地走。而我只系啱啱不完最后一啖饭放低只匙。（利申平时食饭都会食完即走）而且，由始至终，一杯茶或者一杯热水或者一杯水喉水都冇提供过。真系俾钱买难受，以后都唔会去食，希望佢快啲执咗佢。如果有零分我系会比零分。*小贴士：要去食一定要带件羽绒，冻到
结果企左系门口好耐，示晒意话想入去食
都冇人理，冇人招呼。
如是者等咗成10分钟，咁佢终于出嚟问我几多位
但佢哋带位系好乱，有冇Walkie Talkie，一美喺度嗌，又唔知边啲枱用得，边啲枱唔用得，乱！管理极其混乱。
佢系用QR code扫描落单嘅，但系楼面竟然有成四个人，叫咗一个鳗鱼便当午餐，散叫咗一个三文鱼饭，就好似上一位食评咁样，等咗起码20分钟，两份都系鱼生饭，点解要等咁耐？成间餐厅又唔系大。
啲餐具唔知系咪夜冷舖执返嚟，只只都唔一样
咁终于等到上餐，啲便当同埋个鱼生饭啲饭都系无醋嘅，同你屋企用电饭煲煮嘅一样。
啲三文鱼一睇就知𩠌头𩠌尾，切到成个三角锥体咁。另外，便当啲鳗鱼干争争，啲炸鸡系鞋过阿婆块面！
啲嘢食一啲都唔好食，仲衰过明将。
最火起嘅系，有个光头男人态度极差，讲嘢串串贡，呼呼喝喝，仲会赶你走！因为出边有人等紧！佢系开到声叫我地走。而我只系啱啱不完最后一啖饭放低只匙。（利申平时食饭都会食完即走）
而且，由始至终，一杯茶或者一杯热水或者一杯水喉水都冇提供过。
真系俾钱买难受，以后都唔会去食，希望佢快啲执咗佢。如果有零分我系会比零分。
*小贴士：要去食一定要带件羽绒，冻到呢。
张贴