影片
更多
2022-06-30
275 浏览
平日冇睇openrice习惯，昨晚同朋友庆祝，因缘简中食呢间餐厅，大概7点入场，我地系第一枱客。店内装潢很好，店员亦有礼，整体气氛几好，但食物破坏左气氛。借用其他用户琴日分享既图片，我地叫左2份6道菜晚餐，埋单$238一位(未计加1)虽然头盘写味增焗蚝，但店员好体贴地问要唔要转生蚝，于是我地都转左生蚝。而生蚝上到黎冇柠檬冇茄酱，见蚝外围有好多水，以为柠檬汁好体贴地加左入去，点知一食发现系冇，而且蚝唔太新鲜，食落仲有D沙。食完后已经觉得少伏，去到餐汤，系蕃茄冻汤。一饮落去真系不得了...D汤冻到有雪味，仲有百味交集，唔知点形容，淡淡既蕃茄味配浓浓既黑椒、蒜味，仲有其他食唔出咩黎，同其他餐厅既冻汤完全两样野黎。朋友饮晒，我饮左两啖果断放弃，店员收碟尴尬地问系咪唔岩食，我话系。沙律部分，朋友叫烟三文鱼凯撒沙律，我叫鸭胸田园沙律。朋友D烟三文鱼少到几乎睇唔到都算...仲要咸到佢面容扭曲，我睇到都唔敢食。至于我份鸭胸，鸭胸一拮落去系出水! 唔系血水，系透明水，我真系冇见识过。食落口时，温度系介乎温温地偏冻既温度，感觉系雪解冻完就放上盘咁，味道半生熟，冇煎香味。而沙律醋落太多，D菜非常之酸。头盘咁
借用其他用户琴日分享既图片，我地叫左2份6道菜晚餐，埋单$238一位(未计加1)
虽然头盘写味增焗蚝，但店员好体贴地问要唔要转生蚝，于是我地都转左生蚝。
而生蚝上到黎冇柠檬冇茄酱，见蚝外围有好多水，以为柠檬汁好体贴地加左入去，点知一食发现系冇，而且蚝唔太新鲜，食落仲有D沙。
17 浏览
0 赞好
0 留言
食完后已经觉得少伏，去到餐汤，系蕃茄冻汤。一饮落去真系不得了...D汤冻到有雪味，仲有百味交集，唔知点形容，淡淡既蕃茄味配浓浓既黑椒、蒜味，仲有其他食唔出咩黎，同其他餐厅既冻汤完全两样野黎。朋友饮晒，我饮左两啖果断放弃，店员收碟尴尬地问系咪唔岩食，我话系。
15 浏览
0 赞好
0 留言
沙律部分，朋友叫烟三文鱼凯撒沙律，我叫鸭胸田园沙律。朋友D烟三文鱼少到几乎睇唔到都算...仲要咸到佢面容扭曲，我睇到都唔敢食。至于我份鸭胸，鸭胸一拮落去系出水! 唔系血水，系透明水，我真系冇见识过。食落口时，温度系介乎温温地偏冻既温度，感觉系雪解冻完就放上盘咁，味道半生熟，冇煎香味。
而沙律醋落太多，D菜非常之酸。
12 浏览
0 赞好
0 留言
头盘咁样都算，谂住等主菜会好少少，但意大利饭上到黎，份量细到得3啖，真系非常无奈!!!我个带子仲出紧啡水!!而且带子无味道，连海鲜味都冇，明显系急冻而且调味都唔落。食到呢到我真心嬲左!
不过，虽然饭偏软身，但黑松露汁好浓好香，呢点做得唔错!
11 浏览
0 赞好
0 留言
去到羊柳仲激气，份量细、冇汁冇味之余，朋友叫7成熟，我叫5成熟，但两份都劲鞋劲硬，朋友个份食落竟然软身过我个份，我当佢搞错左熟度啦，个伴菜都出晒事-.-冇味，好似烧味饭D伴菜咁。
全份扒得薯蓉系正常水准。
14 浏览
0 赞好
0 留言
最后到甜品都知一定出事，事前店员话系芝士吉士挞之类。而白色个旧芝士冇芝士味，吉士冇吉士味，系完全冇味!
水果部分变色变味，明显系放室温太耐，而挞底好粉，极痴牙
19 浏览
0 赞好
0 留言
厨师讲左好多，解释话因为系意大利菜，羊柳系会硬身D，个冻汤同扒既伴碟系想解暑热等等。都明白一片用心，但难食就系难食，仲要份量少，食完好似冇食过，食开西餐都明白呢个价绝对唔抵。见厨师同老板娘不断解释，希望我地明白佢地既一片用心。见佢地冇回应食物味道呢点，我地都懒得讲太多，理解左餐厅用心，咁不如就将评价系放系到，比老板娘慢慢睇睇。
后来老板娘仲话餐厅厨师个个酒店出身，甜品师傅系世界头30名名单内，特别强调呢到有好多熟客，成日比人包场芸芸，个个都食得开开心心，冇好似我地咁话难食。无既...咁我祝老板娘生意兴隆!
离开时大约8半，计埋我有4枱客，希望除左我地之外大家都食得开心。
张贴
