影片
更多
2017-05-21
572 浏览
星期六下午五点去食，呢间嘢好似好出名、但去到唔使排队。点知就系中伏的开始当日落小雨，拎咗缩骨遮，拎位个女人畀胶袋我放遮，我两手都系嘢，行前两步未打开袋，女人就同另一男职员劲寸，闹我做咩唔放好把遮。ok fine，我忍。坐低咗，另一职员好粗鲁咁拎放系枱面既餐牌畀我，搞到我好似阻住你做手生意，我坐低个袋都都放就咁，算。成间餐厅都未坐满人 有三张吉枱，好赶住做生意？落单𠮶时，我已好清晰快趣咁叫嘢食，西多士 心心捞丁，红豆冰，咸柠七，职员话，「喂，一个跟餐加五蚊，另一个散叫廿几蚊㖞，我答ok，佢就话，咁你一阵唔好再问我呀！」太寸。另一枱客好有礼貌叫落单，职员又寸个客话「唔布讲唔该，快啲讲食乜」呢啲唔系港式人情味，系寸嘢食嚟到啦，捞丁，个丁面淋到死，淋过谢停锋块鸡蛋仔，个面唔热既！都唔知系咪整定放咗劲耐！西多士上枱 又系唔热既，炸完一啲都唔趣，淋过毛巾。红豆冰 啲红豆少到 又冇味咸柠七，个咸柠我笃到烂晒 都唔咸既！隔离街胜香园个咸柠七好饮十倍。埋单102，唔知食过乜垃圾。大家乐既质素都好过呢间，香港人唔好黎食，又寸又难食，我见坐满晒啲韩国人 大陆人。澳牛虽然寸 但食物质素有保证呢间兰方园 冇质素
当日落小雨，拎咗缩骨遮，拎位个女人畀胶袋我放遮，我两手都系嘢，行前两步未打开袋，女人就同另一男职员劲寸，闹我做咩唔放好把遮。ok fine，我忍。
坐低咗，另一职员好粗鲁咁拎放系枱面既餐牌畀我，搞到我好似阻住你做手生意，我坐低个袋都都放就咁，算。成间餐厅都未坐满人 有三张吉枱，好赶住做生意？
落单𠮶时，我已好清晰快趣咁叫嘢食，西多士 心心捞丁，红豆冰，咸柠七，职员话，「喂，一个跟餐加五蚊，另一个散叫廿几蚊㖞，我答ok，佢就话，咁你一阵唔好再问我呀！」太寸。
另一枱客好有礼貌叫落单，职员又寸个客话「唔布讲唔该，快啲讲食乜」
呢啲唔系港式人情味，系寸
嘢食嚟到啦，捞丁，个丁面淋到死，淋过谢停锋块鸡蛋仔，个面唔热既！都唔知系咪整定放咗劲耐！
西多士上枱 又系唔热既，炸完一啲都唔趣，淋过毛巾
。
红豆冰 啲红豆少到 又冇味
咸柠七，个咸柠我笃到烂晒 都唔咸既！隔离街胜香园个咸柠七好饮十倍。
埋单102，唔知食过乜垃圾。大家乐既质素都好过呢间，香港人唔好黎食，又寸又难食，我见坐满晒啲韩国人 大陆人。
澳牛虽然寸 但食物质素有保证
呢间兰方园 冇质素，又要受气。
张贴
