影片
更多
2021-07-09
162 浏览
2021年7月8日， 下午6：30。叫咗个三文鱼茶渍饭、京葱柠檬唔知咩猪腩肉，咖啡一杯。先来三文鱼茶渍饭，超级普通，上汤淡，三文鱼本身已经系cheap嘢，仲要得鱼碎，同食净饭差无几，食完好似食风咁…京葱柠檬唔知咩猪腩肉，讲明系𩠌唔系小食呢既，但来到一睇都呆咗几秒，完全就系小食的模样，侍应仲曾经问我要唔要另叫白饭…最离镨就系完全唔见有京葱，柠檬就真系有一旧柠檬自己榨汁，而唔系京葱+柠檬爆炒猪腩肉，我即管试下食，睇下系咪会喜出望外有京葱味，结果系完全冇既… 纯薄煎猪腩肉+柠汁再点酱，卖78蚊？ 痴胶花…叫侍应过来，向佢表示冇京葱，与餐牌描述不符，兼我自己仲整得好食过佢…佢竟然话: 你可能厨艺比较高超，但我地厨房出品就系咁，或者加返d京葱比你啦好冇？我: 即系你宜家叫厨房净煮京葱加上去？佢: 系呀～ 平时都系咁，京葱洒系猪腩肉上面。我真的无语，原来京葱系用来装饰…叫佢嗌经理过来，佢话我就系呢度经理~ xyz#@&!我表示想换第样嘢，因为呢个完全系小食，而且9唔搭8，货不对办。经理表示不能换，但可以整过第二碟有京葱的俾我，因为我已食咗… 我话我唔食点知入面完全冇京葱味？ 而且我只系食咗2旧，再
叫咗个三文鱼茶渍饭、京葱柠檬唔知咩猪腩肉，咖啡一杯。
先来三文鱼茶渍饭，超级普通，上汤淡，三文鱼本身已经系cheap嘢，仲要得鱼碎，同食净饭差无几，食完好似食风咁…
京葱柠檬唔知咩猪腩肉，讲明系𩠌唔系小食呢既，但来到一睇都呆咗几秒，完全就系小食的模样，侍应仲曾经问我要唔要另叫白饭…
最离镨就系完全唔见有京葱，柠檬就真系有一旧柠檬自己榨汁，而唔系京葱+柠檬爆炒猪腩肉，我即管试下食，睇下系咪会喜出望外有京葱味，结果系完全冇既… 纯薄煎猪腩肉+柠汁再点酱，卖78蚊？ 痴胶花…
叫侍应过来，向佢表示冇京葱，与餐牌描述不符，兼我自己仲整得好食过佢…
佢竟然话: 你可能厨艺比较高超，但我地厨房出品就系咁，或者加返d京葱比你啦好冇？
我: 即系你宜家叫厨房净煮京葱加上去？
佢: 系呀～ 平时都系咁，京葱洒系猪腩肉上面。
我真的无语，原来京葱系用来装饰…
叫佢嗌经理过来，佢话我就系呢度经理~ xyz#@&!
我表示想换第样嘢，因为呢个完全系小食，而且9唔搭8，货不对办。
经理表示不能换，但可以整过第二碟有京葱的俾我，因为我已食咗… 我话我唔食点知入面完全冇京葱味？ 而且我只系食咗2旧，再者点餐时完全冇预期到个样同整法系咁。
经理表示咁系我问题，问我点解唔用QR code点餐？ 入面有附图，如直接向侍应点餐就冇。
听到呢度我已经火冒三丈！ 原来系我既错？？？
咁点解餐牌冇附图？ 你餐牌用来做咩？你不如话我点解冇入厨房睇住个厨炒？ 咁咪唔会货不对办！
我: 咁你同我取消佢！！！取消埋杯咖啡！
经理话好。
我9秒9食完个垃圾三文鱼茶渍饭，光速卖单！
之前帮我点菜的侍应来结帐，我立即向他吐苦水，并展示刚才拍照的猪腩肉俾佢睇，侍应都表示猪腩肉平时整法唔系咁，系厨房出错，并连声向我道歉，话下次再来请我食蛋糕赔罪，及立即给我9折卖单，我话Sorry冇下次！！！
我非常欣赏呢位侍应的态度及服务，虽然佢介绍我食的2度菜都唔好食…
问佢叫咩名？ 佢话叫阿水。
问经理叫咩名？ 佢话叫阿轩。
菜式普通，不似预期，但服务态度良好，可以有进步空间，给予机会，因为系黄店。
但菜式已经系普通，价钱又与质素不符，仲要态度恶劣，讲埋d嘢9唔搭8，匪夷所思，黄店都冇情讲！ 绝对不会有下次！
我真心想问老板~ 究竟换过第二碟𩠌伤D，定客人cancel order伤D？本来呢餐我一个人食系需要2旧水卖单，请问我是否乞儿客？何以待我如此态度？
呢位经理凭咩可以做到经理？ 佢连一位普通junior级的侍应的资格都不符，我亦都第一次经历原来要完全冇食过，凭卖相去断定与描述不符，先可以换菜式，真的开了我的眼界…
谢谢桔梗，你令黄店蒙羞。
张贴
