Nun Desserts Cafe (已結業)

我哋四个人去食，一坐低成张枱面污糟邋遢𠮶啲侍应就咁揾四张纸铺上面就算，全部侍应都喺度游魂！叫野都要叫几声先应，个个好似扮听唔到想做少啲！如果咁唔想做应该辞职返屋企吖嘛落单时又唔用纸写低，问咗三四次！最后都要落漏单叫咗个冰食等咗差不多半个几钟先到，讲真，食物系唔难食但唔可以叫好食！侍应d态度、语气差咗无讲粗口，最令我嘅系，我哋成张台都系嘢食佢哋够胆死喺隔离无人𠮶d台喷清洁剂抺台，即刻成间嘢都系清洁剂味！身为一间食肆点可以咁样？就算系讲收工都冇可能咁样做！希望多啲人睇到，等佢可以快啲改善或者直情执笠啦⋯⋯留返个舖位俾有需要嘅人啦！