孖寶冰室 (已結業)

本人于5月6日星期日下午3时30分左右，谂住去食个下午茶，依间冰室我都帮衬左好多次，都冇咩问题，系其中有位比较后生既楼面既态度语气非常之差！当日我一位坐卡位，后来有三位入场，个位后生仔就用非常不友善既语气同我讲：「一个啊你？！坐个道！」佢用只手指指住个位，好似命令咁要我坐过去！其实我一位，人地三位，让位比佢地系非常合理，亦都非常应该，我都好乐意咁做！不过你咁既语气就非常唔应该！之后我直接走！唔食！ 其实之前去咁多次，呢个后生仔，放嘢食喺枱面嘅时候，都系就咁大大力放上去，我都算，但今次真系唔会接受！顺带一提，另外有位年纪比较大嘅楼面就非常之好态度亦都好有礼貌， 只系呢个位后生仔累事！