茶木‧台式休閒餐廳 (已結業)

有排无食茶木啦﹐皆因真系唔容易等位。今次见少d人，又系附近行下街，算系可以等下。不过我又唔明，其实茶木又唔系特别好食而又唔特别平，点解会有咁多人食既呢。点都好，今次我地一行两个人，叫左两个主食同两杯野饮。先讲下沙茶牛柳炒手作面，确系几好食，整体口味唔会太咸，沙茶味都惹味而牛柳都几嫩；面有少少似板条，厚身弹牙，唔错。另一个系梅子豆乳炖肉排，呢个真系食唔到，特咸同劲老。成碟𩠌酱汁丰富，咸到起码十碗饭先够捞，肉质亦唔系一般人咬得到吞得到，我地根本无咩食过。仲有叫左两杯野饮，都不过不失啦，奶盖都算做得唔错，够奶味都厚身。呢度既食物质素参差，大家真系要小心拣野食。