千歲擔擔麪

营业中

休息中

住喺附近都唔知YM原来开咗咁多餐厅，行行吓嚟到平台花园，见到有间食担担面嘅餐厅，原来系有名嘅咏藜园担担面。挑起咗之前喺蔡澜美食坊食过嘅驰名担担面嘅美好画面。决定入去回味一下！首先必点嘅就系「咏藜园担担面」，一如以往麻香味好丰富，一啖又一啖挂满汤嘅面，麻酱味依旧浓郁。面做得细嫩幼滑，唔知系咪自己搓嘅呢？！两个人叫一碗有啲唔够喉，另外点其他嘢。叫咗两款都比较难整嘅家常小菜，分别系赛螃蟹同埋糖醋鱼块。赛螃蟹一定要沾醋食，系史上最夹嘅组合，白饭都可以食多几碗。糖醋鱼块，甜甜酸酸非常之开胃，鱼柳炸粉唔会太厚，刚刚好可以挂起酱汁。