影片
更多
2010-06-01
125 浏览
第1次到季季红，系今年年头啲事，印象中只炭烧乳猪好食，其他菜式都系大碟又抵食啲，返到屋企同我个皇太后同家姐提及，佢地都好想试下，就衬母亲节啦，可以满足两位母亲嘛~1行6人，条长路远黎到屯门蓝地，目的只有一个，大家都系为左味炭烧乳猪，是夜精选有：猪肺菜胆汤，上枱果阵闻到好香啲菜干汤，应该好足火喉，入口够味，而且唔觉有味精，D菜胆系后加入个汤里面啲，所以唔烂，仲好甜，连皇太后都话得呀~大胜鸡，第1次去季季红食饭已经有叫呢味，入口果阵个脑已经立即谂紧，点解响香港食鸡……竟然有鸡味啲? 二话不说再夹多件，再同Cobi爸讲，佢都话只鸡好好味，一定系新鲜鸡，够香又够滑，D鸡皮仲好脆口…救命呀~个脑斗争左几耐至可以唔食件鸡皮呀，试问咁好啲质素，今次我地点会唔encore呀~乳猪烧鹅双拼，本来叫左半只烧乳猪，Cobi爸特然想食烧鹅，所以转左做双拼，上枱后大家都急不及待品尝个乳猪，哗!乳猪皮好薄，烧到又甘香松脆，脆皮下有层肥膏，不过唔多，肉质好嫩，果然名不虚传。可惜今次得6个人，叫唔到个「虾禾米酿乳猪」添；烧鹅个look得，入口就唔掂，肉韧!难听D讲句要用手扯先扯得开，好唔掂。冰淋酱烤骨，虽然已经叫左好
猪肺菜胆汤，上枱果阵闻到好香啲菜干汤，应该好足火喉，入口够味，而且唔觉有味精，D菜胆系后加入个汤里面啲，所以唔烂，仲好甜，连皇太后都话得呀~
大胜鸡，第1次去季季红食饭已经有叫呢味，入口果阵个脑已经立即谂紧，点解响香港食鸡……竟然有鸡味啲? 二话不说再夹多件，再同Cobi爸讲，佢都话只鸡好好味，一定系新鲜鸡，够香又够滑，D鸡皮仲好脆口…救命呀~个脑斗争左几耐至可以唔食件鸡皮呀，试问咁好啲质素，今次我地点会唔encore呀~
乳猪烧鹅双拼，本来叫左半只烧乳猪，Cobi爸特然想食烧鹅，所以转左做双拼，上枱后大家都急不及待品尝个乳猪，哗!乳猪皮好薄，烧到又甘香松脆，脆皮下有层肥膏，不过唔多，肉质好嫩，果然名不虚传。可惜今次得6个人，叫唔到个「虾禾米酿乳猪」添；烧鹅个look得，入口就唔掂，肉韧!难听D讲句要用手扯先扯得开，好唔掂。
冰淋酱烤骨，虽然已经叫左好多肉，不过呢个菜式响网上啲评价好好，所以今晚全家人都变左食肉家族添；外貌似金沙骨不过用左京都骨啲酱汁，入口好惹味，酸中带甜；因为炸过，所以有层薄薄地啲粉浆响嚿排骨上面，层粉酱又扣住左D酱汁，个口感好酥，好脆，系一道有惊喜啲菜式。听个待应介绍，个酱汁系用白镬炒香啲糖，再加上醋而成啲，一唔留神，个酱汁就会好易㶶，炒工唔错。
莲藕饼系呢度推介之一，一个好家常啲小菜，其实好容易做，只要你肯花时间将所有啲材料切切剁剁；我食过两个唔同啲做法，一个系将啲莲藕刨成蓉，一个系切成粒，个人喜爱后者，有口感嘛，季季红啲做法正合我意；讲番味𩠌，莲藕同猪肉啲比例唔系好平均，猪肉多莲藕少，不过都食到莲藕啲爽甜，好彩啲猪肉搞得够松化，如果唔系就会好实，个饼亦煎到好香口，饼边仲有少少㶶㶶地，又唔油，点埋个喼汁仲可以令到个饼冇咁肥腻添! 一碟有成8大件，真系明正言顺啲「抵食夹大件」呀~
金银蛋苋菜，终于可以有味清清地啦~ 菜好嫩，而且冇念过系咁大碟架，抵食!
虾酱炒通菜，虾酱啲比例刚好，唔太咸，又够镬气，不过油就多左少少啦~
讲完菜式啲质素就到讲下个环境同服务，安排坐位非常差，明知果间房啲冷气有问题仲安排入坐，D待应仲”昆”我地话部冷气啱啱开，所以未凉啫~不过就越食越热，Cobi爸就一路出汗一路食，我地追问下至话部冷气坏左，真系火都黎呀! D待应见我地开始发脾气就嗱嗱淋攞部风扇入黎，我地至舒服D咋…离哂谱!
老实讲，服务就麻麻地啦，但呢个价钱，算唔错啦，好食得黎又要平又要正，想点啵!系坐位安排得好差啫。至于未食过炭烧乳猪啲，真系值得一试!太子永合隆啲炭烧猪，1条骨已经收你$70，咁你地话呢到系咪抵食好多呢~
张贴
