夏茶 (已結業)

之前有朋友极力推介呢间元朗小店，所以专诚黎试下。去到唔算好多人排队，所以好快就可以落order。夏茶主打都系芝士奶盖同埋水果茶，而我就拣左芝士草莓雪沙，朋友仔就拣左草莓芝士四季春。我地想嗌少冰少甜，但一问之下先知原来佢地本身都会少冰少甜，非常岩我地心意😗等左几分钟，好快就等到我地杯野，而职员亦都好细心咁教我地应该点饮杯野，呢样值得赞。👍🏼芝士草莓雪沙系夏茶嘅No.1 推介，首先试下佢既奶盖，好浓芝士味，仲有一粒粒嘅草莓肉，好正。而沙冰饮落口亦唔会有一大旧冰出现，整体黎讲唔错。而草莓芝士四季春，职员就教我地唔用饮管，直接饮用，草莓味沟埋茶味，又出奇地夹！下次会再黎试下其他口味！