榮記茶餐室

营业中

休息中

闲日大约中午帮衬，坐低冇耐就差唔多满座。沙嗲够香浓，花生粒增口感，同方荣记有得比。牛肉正常发挥，分量亦足够。因为㷛仔会保温，食要掌握时间，食得太慢面会浸到太软太糊，影响味道同质感。如果时间掌握得宜，面唔会吸太多沙嗲汁。剩低嘅汁可以配多碗白饭，味道同配面食唔同，系另一种享受。另外小店沙嗲出色之余人情味亦非常浓厚，店员同街坊客人有倾有讲，对新客如我亦服务周到，感觉温馨。见到唔少其他客人都叫干炒牛河，绝对有下次。