餃掂手工餃子雲吞專門店

成日听同事讲「饺掂」嘅饺子🥟点好食，今晚假期前夕，就去左铜锣湾果边接阿女放工，顺便行过去饺掂，睇下系咪真系咁好味呢🤔。7点几已经要系门口等位，差唔多等左15分钟，终于可安排入坐啦；餐厅干净卫生，食具同调味酱摆放整齐，真系令食客食得好放心。睇睇餐牌，有肉饺、素饺，煎饺、蒸饺。饺子🥟 馅料选择非常多，仲有几款汤面🍜同小食供选择。🌶四川粉皮 - 粉皮滑嘟嘟，呢个凉拌好岩咁热天时食，个汁辣辣地，粉皮又冻冻地，仲有好多花生粒、青瓜丝同葱花，另整个凉拌更香口同增加口感😋。🥒回味手拍青瓜、葱味酸辣云翠云耳青瓜青脆，个酱汁带微辣；云耳爽口，酱汁酸酸辣辣，以上三个凉拌真系好醒胃架😋。 🥟韮菜猪肉煎饺、🥟元贝猪肉饺 - 皮薄、馅料十足，成只饺子胀卜卜、煎过后外皮脆脆，但入边馅料仍保持湿润。🥟韮菜猪肉饺，韮菜同猪肉比例岩岩好，韮菜好鲜嫩唔会有渣，啖啖都食倒韮菜独冇嘅香味。🥟元贝猪肉饺，可能有元贝关系，令猪肉更加鲜甜，而且仲匀入小许芹菜粒，增加饺子香味😋。蜂蜜柠檬意米水 - 冰冻解渴消暑之余又有益，可以去水肿，健脾胃，好有益架😋。