祥仔辣辣 (The LOHAS) (已結業)

为人熟悉嘅知名大厨张锦祥Ricky，继意大利餐厅松艺馆同港式茶餐厅祥仔后，又再搞搞新意思，开设新派川菜馆祥仔辣辣。除咗旺角雅兰中心、尖沙咀LCX外，亦喺将军澳The Lohas开设分店。Ricky嘅号召力绝不低于明星，相信好多食客都系因为佢嘅大名慕名而来，以门庭若市、客似云来去形容排队等位情况亦绝不为过。点咗两个午市套餐，另加一碟招牌酸菜鱼。香菇海鲜泡饭同福建炒虾面，另可加$10配饮品一杯。我点嘅香菇海鲜泡饭，材料包括花菇、蟹柳、鱿鱼、虾仁。 由于近期食太多热气食物，呢个泡饭绝对系啱哂我。朋友点嘅福建炒虾面，没有半点油腻感，虾球够干身，以菜芯在旁点缀。饮品选择咗青苹果梳打、蜜桃梳打，实属消暑佳品。最后就系主角酸菜鱼，选用咗嫩滑嘅鲈鱼，肉质爽滑之余，而且少骨，可以放心大啖大啖享用；窝内亦有酸菜、䈑笋、莲藕、大豆芽等配料，绝对唔会dry。最可惜见唔到Ricky真人，否则可以捉住佢影个合照先走😆。