School Food (已結業)

之前一直都好想试呢间餐厅，无奈每次经过都见到门外人山人海，插针都插唔入咁，令我为之却步~今次过左食饭时间再去博一博，竟然比我有幸唔驶排队就可以获安排即时入座，心里满怀安慰一入到去睇下餐牌，其实选择唔多，但心知卡邦尼亚年糕为必点之选，所以就点左一个，另外见黑色既sushi卖相几特别，所以都一同点选了~其实每碟食物既份量都几大下，一般食量既人可能食一碟就已经要捧住个肚离开喇~首先讲下个卡邦尼亚年糕，因为本人怕会好漏，所以点选了带辣味既一款，年糕既软硬度适中，而且有好多酱汁，所以每条年糕都可以完全沾上酱汁，唔会有酱汁不足既情拀出现，加上个汁带有辣味，令人更加开胃，可以准备迎接下一道菜既来临墨鱼sushi真系不得不提，卷系饭内既墨鱼一啲都唔韧，好易入口，sushi沾上沙拉酱有画龙点精既作用，如果酱汁可以多啲就好喇本来谂住一个人食两样野就算，点知见到隔离枱果两位女士系咁赞个炸鸡好食，搞到我都心陏陏想食，结果就跟餐加钱叫多个炸鸡~果然冇令我失望，炸鸡外脆内软，而且咬落仲有肉汁系入面，外面既炸粉亦都厚度适中，岩哂我口味今次得我一个人黎所以叫唔到好多野食，下次要约埋啲朋友再黎试埋其他野先得