影片
更多
2009-10-29
40 浏览
今天是小儿的秋季旅行(幼稚园旅行)，地点正是「白鹭湖互动中心」，其实一去到感觉真系几好，地方开扬、空气清新，搞活动啲导师真系唔错，好有礼貌&工作热诚，同小儿参加他们的活动都好开心，满以为会有一个美好回忆，可惜.......这正是一桩惨痛经历的开始......到了12:30，正直Lunch时间，我之前都睇过Openrice，都对呢间小白鹭餐厅不存厚望，不过同个仔旅行，都冇几何，所以明知贵兼唔好食都入去碰下步运气，于叫咗2个set lunch，一个"焗猪柳茄汁意粉" $98-，另一个系"焗海鲜长通粉"$88-！餐汤我叫咗忌廉汤&杂菜汤各一！等咗唔太耐，餐汤&面包到了，个杂菜汤都尚算可以，忌廉汤就有啲不知所谓，几粒粟米+几片唔知昆布定海带，而且淡而无味，反而啲面包就热热哋都唔错！到上主菜，碟"焗海鲜长通粉"啲通粉睇落肥啫啫都知唔慌好，食落口淋pat pat，完全唔合格，鱿鱼太韧，啲鱼炸过有油味，虾同青口都系急冻冇味货式，不过相对于另一个"焗猪柳茄汁意粉"都算系好好味~~~个"焗猪柳茄汁意粉"卖相都可以，不过睇啲......意粉底有水，啲猪柳似柴皮.....出事了，食落口果然鞋到亚妈都唔认得，
到了12:30，正直Lunch时间，我之前都睇过Openrice，都对呢间小白鹭餐厅不存厚望，不过同个仔旅行，都冇几何，所以明知贵兼唔好食都入去碰下步运气，于叫咗2个set lunch，一个"焗猪柳茄汁意粉" $98-，另一个系"焗海鲜长通粉"$88-！餐汤我叫咗忌廉汤&杂菜汤各一！
等咗唔太耐，餐汤&面包到了，个杂菜汤都尚算可以，忌廉汤就有啲不知所谓，几粒粟米+几片唔知昆布定海带，而且淡而无味，反而啲面包就热热哋都唔错！
到上主菜，碟"焗海鲜长通粉"啲通粉睇落肥啫啫都知唔慌好，食落口淋pat pat，完全唔合格，鱿鱼太韧，啲鱼炸过有油味，虾同青口都系急冻冇味货式，不过相对于另一个"焗猪柳茄汁意粉"都算系好好味~~~
个"焗猪柳茄汁意粉"卖相都可以，不过睇啲......意粉底有水，啲猪柳似柴皮.....出事了，食落口果然鞋到亚妈都唔认得，啲意粉唔淋有口感but用水浸住又点会有味，简直衰过茶餐厅，不过都勉勉强强叫做食完~~~~
大约响1:30叫埋单，俾完钱收拾细软，望下枱面有冇漏野就走人，行开唔够5米，发现冇咗个电话，于是立即番转头，已经有个waitress执紧野，我问佢有冇执到个电话，佢话冇，我于是放个背囊落张枱度揾清楚，点知俾人白眼，话我好阻住佢抺枱，不过我都费事理佢，揾电话要紧，但揾唔到，我几乎肯定系餐厅员工执咗，因为我1:30埋单前，我就系睇电话个时间先埋单，即1:30个电话仲响枱面，而且当时有95%以上都系幼稚园家长&小朋友，我起身行咗又唔够5米, 张枱距离其他枱又比较远，唔相信有家长会特登过嚟偷，我仲借咗餐厅个电话，至少打通咗6次，之后先唔通，如果话唔系餐厅员工攞我打死都唔信！
仲有下文......正当我徬徨之际，之下果个waitress行过响我2米左右细细声讲咗一声「X线」，咁啱又俾我听到，我于是问佢仲乜闹我，佢话唔系同我讲，但附近又冇其他员工，我当堂更加庆过火屎，立定决心报警，警方到场都系循例查下，虽然警员都同意系员工攞咗嘅机会最大，不过餐厅冇CCTV，所以好难证实系边个攞，不过都会跟进事件！
本来一次开开心心嘅旅行，变成一个极不愉快嘅回忆，真系惨！讲真收得人成旧水一个Lunch，啲出品&员工冇可能系如此低水平的！
虽然我十分不满意其员工的态度及操守，但我对此食评绝无私心，如实报导，因为我公正不诃嘅食神艾廸！
张贴