龍泉私房菜

营业中

休息中

今晚开开心心同屋企人一齐食餐冬至饭，预订左6点半，结果叫起菜都等到大约7点先有得食。第一道菜鸡汤，话明系螺头，但系成个汤一粒螺头都揾唔到。到第二道菜，蒸扇贝，扇贝系完全无味，系急冻货，下面就配左圣瓜，圣瓜系未熟。之后就食左荔蓉多士，油到飞起，难食。一睇菜单先发现货不对版，明明话系粉丝蒸扇贝，就变左圣瓜，多士系配黄金虾，结果变左美极虾，仲要唔问唔通知。上菜好慢，中间等左超过40分钟，呆坐。鱼重泥味，最尾嘅鲜奶炖燕窝，系炼奶开水加生粉，一pat野。完全唔值400几，仲收加一。第一次食饭食左3个钟，浪费时间，极度失望