蛇王濤蛇店 (已搬遷) 新店位置

说来惭愧, 笔者高中其实系大角咀返学, 之后几年都一直有系大角咀蒲, 但竟然一次都未食过此店, 今时今日都系因为"开饭"既食评, 我先第一次食重游旧地, 大角咀呢一个旧区, 慢慢收楼重建, 今时今日佢已经搬左去对面新铺, 大家唔好俾佢外表呃左, 其实佢已经做左好多年架啦 同女友两个人食, 先叫左个大蛇羹 + 糯米饭餐, 原来女友未饮过蛇汤, 所以叫左蛇汤, 老板娘仲平左俾我地添, 街坊老店就系呢样好, 有人情味大蛇羹 - 真系好大碗, 有蛇味又足料, 如果你有食过以前工联会之类既蛇宴, 我可以话你知, 佢足料好多糯米饭 - 无乜特别, 其实我到依家都唔明年点解蛇羹要配糯米饭呢?蛇汤 - 唔讲我以为系鱼汤, 工联会蛇宴我食得多, 果d蛇汤系用鸡煲出黎既清汤, 呢个汤系奶白色的, 又系另一番风味见到有食家话呢度态度嘛嘛, 临走同老板倾左两句, 当佢知道我以前系大角咀读书, 佢笑了, 问我以前一定有食过啦, 可能佢以为我系由细食到大, 食过番寻味, "惭愧"一词, 由此而来...