影片
更多
2022-08-19
983 浏览
成日响啲米线关注组提及云家，一直都好想试吓。今日难得路过，唔系唔试嘛？！今日唔系好多人，等咗两枱就到我哋喇！店内地方唔大，每枱都好迫，坐得唔系咁舒服。😅 餐单选择多，但今日冇热/冷捞米线，只有汤米线。听闻佢嘅酸辣汤底唔错，今日拣咗酸辣腩肉燕皮肉饺汤米线、酸辣腩肉肥牛汤米线、凉拌麻辣金钱肚、另加两杯冻饮，承惠$166。点餐后，就进入漫长嘅等待喇…… 冇错，原来嚟云家就要预咗等最少15分钟。今日又遇著好多外卖，就更慢喇！结果等咗差唔多25分钟。米线上枱第一件事就系饮汤，佢嘅酸辣系带甜味嘅，个人喜好再酸啲，但枱面上冇任何调味料，想加醋加辣都唔得，有少少不知所措。只可以讲各有所好啦😅 ！腩肉系瘦肉，偏干但份量好足，食极都有，非常抵食。燕皮肉饺有3-4只（唔记得），燕皮比云吞皮薄少少，其他差唔多。肥牛就份量少，只有3片，唔抵食。米线比较软身，但份量好多，比云贵川更多。第一次食一碗米线就饱成咁。🤣凉拌麻辣金钱肚蒜头辣椒好多，但唔麻唔辣，仲有少少咸。但味道整体嚟讲都OK 嘅。总结一下咸鱼青菜各有所爱，口味唔同都好难讲得中肯。于我而言，佢味道虽好，但未到神级，亦唔入我嘅三大。对于云南米线，我个人偏好重
今日唔系好多人，等咗两枱就到我哋喇！店内地方唔大，每枱都好迫，坐得唔系咁舒服。😅
餐单选择多，但今日冇热/冷捞米线，只有汤米线。听闻佢嘅酸辣汤底唔错，今日拣咗酸辣腩肉燕皮肉饺汤米线、酸辣腩肉肥牛汤米线、凉拌麻辣金钱肚、另加两杯冻饮，承惠$166。
点餐后，就进入漫长嘅等待喇…… 冇错，原来嚟云家就要预咗等最少15分钟。今日又遇著好多外卖，就更慢喇！结果等咗差唔多25分钟。
米线上枱第一件事就系饮汤，佢嘅酸辣系带甜味嘅，个人喜好再酸啲，但枱面上冇任何调味料，想加醋加辣都唔得，有少少不知所措。只可以讲各有所好啦😅 ！腩肉系瘦肉，偏干但份量好足，食极都有，非常抵食。燕皮肉饺有3-4只（唔记得），燕皮比云吞皮薄少少，其他差唔多。肥牛就份量少，只有3片，唔抵食。米线比较软身，但份量好多，比云贵川更多。第一次食一碗米线就饱成咁。🤣
凉拌麻辣金钱肚蒜头辣椒好多，但唔麻唔辣，仲有少少咸。但味道整体嚟讲都OK 嘅。
总结一下咸鱼青菜各有所爱，口味唔同都好难讲得中肯。于我而言，佢味道虽好，但未到神级，亦唔入我嘅三大。对于云南米线，我个人偏好重口味啲，多酸多辣。而我觉得佢最需要改吓啲出餐流程，减少客多混乱嘅情况。
张贴
