麻布茶房 (已結業)

今日系九龙湾揾食，想食日本野，又见到好耐都无食过嘅麻布茶房，就决定今晚帮衬佢啦。店内装修一如以往，多年都无变过，不过menu就多左以前无食过嘅菜式。今次2个人叫左个mix and match 嘅set，一个冻乌冬，一个小食。冻鸡肉扁面佢英文写udon，但佢系宽面样，乌冬质地，好难夹，但系个面几好食，有咬口，而且弹牙。个鸡份量多，配埋个汁有醉鸡嘅感觉。唔日式，但系几特别同面几好味，整体配合得唔错。炸鸡大大件，炸得香脆，鸡肉好厚肉，系我食过咁多炸鸡入面最厚肉嘅，但系肉质一d都唔老，而且有肉汁，唔错。Set叫左铁板牛舌定食，个牛舌唔够热，块铁板都唔热，有d中伏嘅感觉，而且好多油，味道一般，下次黎一定唔会再叫呢个。不过附送果个汤清清地，同一般面豉汤唔同，系几好嘅。Set甜品叫左烧蕃薯红品雪糕。由于个人好钟意食蕃薯，所以次次番亲都叫呢个甜品。蕃薯温热，上面有比较奶嘅软雪糕，质地有d似cream，不过配埋蕃薯同红豆，甜度刚刚好又唔腻，大分推荐比喜欢蕃薯嘅朋友！总括而言，呢间餐厅都算无令我太失望，质素算keep到，不过由于人手唔系好够，出菜比较慢，呢餐食足个半钟。走果时发现原来食够$258送多士炉，