金龍冰室 (已結業)

猴子通常早餐唔会食太多，不过今日去到金龙冰室，睇见佢个欧陆滋味餐又真系好似好吸引，于是忍唔住叫咗嚟食。个早餐一摆上台，成个碟装到满满，心谂，好彩今日唔赶时间，否则要短时间之内食晒都几系嘢。先讲吓块鸡扒，炸到好香，虽然系油腻咗啲，不过偶然一餐半餐冇乜所谓喇。而薯格都同样炸到好香好脆。好彩嘅系炒蛋同火腿冇咁多油，算系平衡返啲个油腻程度。至于茄汁焗豆就系一般嘅罐头货色，唔使多介绍喇呱。件奶油多都算系厚𠮶只，不过就硬咗少少，由于唔想做大嘥鬼，所以都尽量食晒，至多晏昼食少啲。