紫玉蘭 (已結業)

呢餐系一餐应酬饭,所以系预先点好左一席菜,菜式十分丰富,十二人份量,我地十二个人,最后都食剩好多。菜式味道同卖相都唔差,有d仲几好,但系上菜速度真系慢,尤其系一开始既时候,我地等左好耐至有得开餐,仲要催几次,人人都有食住小碟前菜先(虽然前菜既豆腐,青瓜等又真系几好味…)。片皮鸭做得唔错,因为好多地方都做得过肥,估唔到呢度食到少肥既片皮鸭,同埋个酱又系好味,唔漏,食多两件都觉得ok!有一味唔知什么虾球,都系好味道,系有才才辣,但系整得够入味,虾够爽口,几好!蒸左两条鱼,呢道先系我至爱,鱼肉够滑,豉油竟然都好味,多肉,好耐无试过食鱼食到啖啖肉又唔腥既感觉,很好!反而小笼包我就觉得好一般,无特别。醉鸡,海蜇,素鹅,唔知咩肉(好似喱一片片四方形咁既)果的几小碟又系普普通通,唔系特别好味,只系可以啰。有个翅,呢个都唔错,起码唔会过腻,同埋够多料,又带子又竹笙,啖啖入口都有料,真系无欺场!鲍鱼海参就个汁太浓,少少油,唔太好。最唔喜欢最后既炒乌冬,劲多油!又难食!又无送!唔好!炒饭好过!可惜无机会食至爱既赛磅蟹同埋高力豆沙…有机会要试试至得!